Ortalyqta deńgeılik oqytý baǵdarlamasy iske asyrylýda: 1 deńgeı –A1 qarapaıym, 2 deńgeı – A2 bazalyq jáne 3 deńgeı – V1 orta.

A1 deńgeıinde tyńdaýshylar tildiń mańyzdy daǵdylaryn ıgeredi – tildik materıaldy aýyzsha qabyldaý, qazaq tilinde qarym-qatynas jasaı bilý. Oqytýdyń A2 deńgeıinde tyńdaýshylardyń bazalyq bilimderi qalyptasyp, kommýnıkatıvtik jáne saýatty jazý daǵdylary qalyptasady. V1 deńgeıinde tyńdaýshylardyń qarym-qatynas quzyrettiligin qalyptastyrý jumysymen qatar memlekettik tilde is júrgizý úıretiledi.

Oqý jyldyń uzaqtylyǵy 8 aı. Memlekettik tildi ıgerý kýrsy – 3 jyl, aǵylshyn tili -2 jyl oqytylady. Kýrsty tolyq aıaqtaǵandarǵa sertıfıkat nemese kýálik beriledi. Oqý jyly 1 aqpanda bastalady, jeltoqsan aıynda aıaqtalady. Oqý jyly 2 semestrge bólinedi. Ár semestrden keıin aralyq jáne qorytyndy emtıhan tapsyrady. Kýrsty aıaqtaǵannan keıin tyńdaýshylarǵa kýrsty aıaqtaǵany týraly tıisti sertıfıkattar beriledi.

Oqý yńǵaıy men tilderdi sapaly meńgerý úshin Ortalyqta tyńdaýshylardy oqytýdyń ıkemdi kestesi engizildi. Oqý sabaqtary 14.00-den bastap 20.45-ke deıin kestege sáıkes uıymdastyrylǵan. Sabaqtyń uzaqtylyǵy 1 saǵat 20 mınýt.