«Абай оқулары» қалалық байқауы

2018 жылғы  20 сәуірде Лисаков қаласы әкімдігінің  мәдениет және тілдерді дамыту бөлімінің тілдерді оқыту орталығында «Абай оқулары» атты қалалық байқауы өткізілді.

Байқаудың негізгі мақсаты  - Абай шығармашылығын насихаттау арқылы  мемлекеттік тілдің қолдану аясын кеңейту, тіл мәдениетін арттыру, көркем әдебиетті насихаттау, талантты жастарды қолдау.

Конкурстың  бірінші кезеңінде  әр қатысушы қазақтың белгілі ақын-жазушыларының кез келген прозалық шығармасынан  үзінді оқыды. Екінші  кезеңінде  қатысушылар  поэзиялық шығарманы мәнерлеп  оқудан сайысты.

Байқау қорытындысы бойынша 1 - орынды  Лисаков қаласы әкімдігі білім бөлімінің №1 орта мектебінің ағылшын тілі мұғалімі - Алдабергенова Дана Маратовна және  «Нұрлы жол» бөбекжай бақшасының  тәрбиешісі - Махамбетова Жанна Батырбековна өзара бөлісті,  2-орынға - Октябрь  орта  мектебінің  ағылшын тілі мұғалімі Антропова Анастасия Алексеевна, ал 3- орынға  «Ивушка» бөбекжай-бақшасының тәрбиешісі  - Эпова Диана Владимировна ие болды.

Жеңімпаздарға  мақтау қағаздары мен сыйлықтар, ал қалған қатысушыларға қатысқаны үшін алғыс хаттармен естелік сыйлықтар табыс етілді.